Армия сафларында хәрби бурыч үтәү ир-егетләр өчен ата-бабаларыбыз чорыннан зур горурлык саналды. Күркәм традицияләр хәзер дә дәвам итә.
Улларына 18 яшь тулган аналар сау-сәламәт улларын ватан сакчысы итеп күрә. 10 ноябрь көнне дә районыбызның төрле авылларыннан яңадан тугыз лачын армия сафларына озатылды. Яшь солдатларга Саба муниципаль районы башкарма комитеты җитәкчесе, хәрби хезмәткә чакыру комиссиясе рәисе Равил Гасыймов яхшы теләкләрен, үзенең дә армия сафларында хезмәт иткән вакытларын искә төшереп акыллы киңәш-тәкъдимнәрен җиткерде. "Егетләр, сезнең өчен әти-әниләрегезнең өйдә "ут йотып" яшәгәнен исегездән чыгармагыз, алар белән хәбәрләшеп торыгыз",- диде аталарча кайгыртучанлык күрсәтеп. Район хәрби комиссары Фәнис Закиров: "Командирларыгызның сүзенә буйсыну һәм үз-үзегезне саклау да сезнең бурычыгыз. Хәрби хезмәтне үтәгәндә һәр солдат уяу булырга тиеш",- дип аңлатты.
(Дәвамын газета битләреннән укый аласыз)
Г.Галимуллина.
Н.Дәүләтов фотосы.
«ТАТМЕДИА" акционерлык җәмгыяте үз укучылары арасында акция уздыра.