Саба таңнары

Кояш кызы Ләйсәннең уңышлары

Сабада яшәүче сәләтле биючебез-Кояш кызы Ләйсән Зарипованың уңышлары турында күңелле хәбәрләр ирешеп тора.

Әле ноябрь аенда гына Мәскәүдә узган интеграцион иҗат коллективларының Vнче «КОСМОФЕСТ 2015» фестивалендә лауреат исеме һәм иң зур бүләк- Гран-при алып кайтканнар иде. Һәм менә яңадан зур уңыш - шул ук Мәскәү шәһәрендә узган «Inclusiv Dance" III Халыкара хәйрия бию фестивалендә сәхнә дусты Альбина Фәтхриева белән 2 дәрәҗә лауреат исеменә лаек булдылар. Әлеге конкурсның дәрәҗәсе бик югары. Быел анда Россиянең һәм Европа, Азиядән барлыгы 500 ләп кеше катнашкан. Фестивальгә мөмкинлекләре чикләнгән балаларның һәм өлкәннәрнең педагоглары, хореографлар белән бергә дуслары, туганнары да килгән. Безнең Ләйсән белән Альбина дуэты бию башкарганда залда алкышлар тынып тормаган. Сәхнәдәге көчле энергетика, дәрт, яхшы кәеф кызлардан әнә шулай тамашачыга күчкән. Танылган артистлар белән зур сәхнәләрдә чыгыш ясаучы, булачак хореограф Альбина да Ләйсәннең осталыгына соклануын яшерми:«Аның тырышлыгына, үҗәтлегенә таң калырлык. Бию хәрәкәтләрен үзе уйлап чыгара, кайвакыт мин аңа ияреп кенә барам. Ләйсән бик молодец кыз! Әлеге фестивальнең дә чын йолдызчыгына әверелде ул. Ләйсәнне шулай канатландырып, үсендереп торучы әнисе, алтын йөрәкле Рәмзия апага зур рәхмәт »,-ди.

Илмира Галимуллина.

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: