Саба таңнары
  • Тат Рус Лат
  • Лесхозда районыбызның иң актив яшьләре җыелды [+фото]

    12-13 апрель көннәрендә Лесхоз бистәсендә "Яшьлек мизгеле" исеме астында Районара яшьләр профильле сменасы үтте. Чараны Татарстан Республикасы Аграр яшьләр оешмасының Саба бүлеге оештырды.

    Монда Саба, Теләче, Балтач, Питрәч, Мамадыш, Кукмара, Арча, Балык бистәсе районнарының иң актив яшьләре җыелды. "Әлеге чараның төп максаты - авыл яшьләрен оештыру эшенә җәлеп итү, төрле проектлар өстендә эшләргә өйрәтү, авыл яшьләре арасында лидерларны барлау, аларда чын шәхес формалаштыру. Моның өчен без Казан каласыннан белгечләр чакырдык, алар төрле тренинглар үткәрделәр. Тренинглар, гомумән, уен формасында узды. Ләкин әнә шул уеннар гына да формалашып килүче шәхескә психологик этәргеч бирә, аларда лидерлык, максатчанлык сыйфатын үстерергә ярдәм итә", - ди "Яшьләр мизгеле" проекты авторы Энҗе Нигъмәтҗанова. Смена азагында һәр катнашучыга яшьләр профильле сменасында катнашу турында сертификатлар тапшырылды.

    Гөлназ Нигъмәтҗанова фотолары.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: