Безнекеләр – Халыкара олимпиадада

310 укучы район күләмендә призлы урыннарга лаек булды. Шулардан 96 укучы республика бәйгеләрендә катнашып, барлыгы 52 урын яуланды: 4 укучы җиңүче, 48 укучы призер булды һәм белемнәренең ныклыгын тагын бер кат исбатлады. Бу уку елында татар теле буенча Халыкара фән олимпиадаларында 4 призлы урын яуланды. Халыкара олимпиаданың йомгаклау этабында Иштуган, Кибәче, Завод-Нырты урта мәктәпләре һәм Шәмәрдән лицееннан ун укучы көч сынашты.

Дүрт укучы призлы урыннар алуга иреште: Олы Кибәче урта мәктәбеннән Нәркизә Юзеева (укытучысы Ә.Гафиятова) - 1нче урын, Шәмәрдән лицееннан Илсаф Габизов (укытучысы Р.Сабирова) - 2нче урын, Иштуган урта мәктәбеннән Роза Макарова (укытучысы Л.Маркелова) - 3нче урын һәм Шәмәрдән лицееннан Тимур Маркелов (укытучысы Л.Маркелова) - "Габдулла Тукай иҗатын иң яхшы белүче" номинациясендә җиңүче. Алар дипломнар һәм кыйммәтле бүләкләргә ия булды.