Чаллыда яшәүчене интим фотоларын интернетка куйган өчен төрмә көтә

Чаллы шәһәрендә яшәүче, бер кая да эшләмәүче бер бәндә үзенә «күңелле» шөгыль эзләп тапкан. Хатыны белән анадан тума шәрә калып бу ир фотога төшәргә яраткан. Һәм шул фотоларны хатынына әйтми генә, интернетка урнаштырып барган. Бу кыңгыр эш полиция күргәләгәнче берничә ай буе дәвам иткән.

Әлеге факт буенча «Масса-күләм мәгълүмат чаралары, шул исәптән мәгълүмати-технологик челтәрләрдән файдаланып, законсыз порнографик материаллар эшләү һәм әйләнешкә кертү» мәддәсе буенча җинаять эше кузгатылган. Әлеге ир 2 елдан алып 6 елга кадәр иректән мәхрүм ителергә мөмкин, дип хәбәр итә «Челнинские известия» .