Хокук саклау органнары уяулыкны көчәйтә

Россия Эчке эшләр министрлыгының Саба бүлеге һәртөрле террор актларын кисәтүгә каршы оператив чаралар үткәрә, өйрәнүләрдә катнаша һәм халыкны игътибарлылыкны югалт­маска чакыра.

- Әгәр дә якын-тирәгездә шик­ле тоелган кешеләр газүткәргеч, электр тапшыру линияләре, тимер юллар, балалар бакчасы һәм мәк­тәп, хастаханә, дәүләт уч­реж­де­ниеләре белән нигезсез кызыксынса яисә аларны фотога, ви­деога тө­шерсәләр - кичекмәстән полиция бүлегенә хәбәр итүегез сора­ла. Россиядә һәм чит илдә тер­рорчылыкны аклаган әдәбиятка ка­рата югары кызыксынучанлык бел­­дергән, шартлаткыч матдәләр, ко­рал әзерләү буенча киңәш сорап мөрәҗәгать иткән кешеләр дә игътибардан читтә калырга тиеш түгел,- дип искәртә бүлек начальнигы урынбасары Ленар Хә­биров.

Тукталышларда, сәүдә объектлары каршында, күпләп халык җыелган урыннарда транспорт чарасы туктап тору, шулай ук шикле предметлар - сумка, пакет яисә төргәкләр булу, кыска вакытка фатир биреп тору яисә аерым алган фатирда даими рәвештә күпләп кеше җыелу да игътибар сорый. Шикле тоелган фактлар буенча "02" яисә 2-31-02 телефоннары аша полициягә хәбәр итәргә кирәк. Шулай ук кесә телефоныннан "112" номерына шалтырата аласыз.