Комиссиягә – 95 ел

Агымдагы елның гыйнварында Россиядә балигъ булмаганнар эшләре һәм аларның хокукларын яклау буенча комиссияләр оештырылуга 95 ел тулды. Алар күп еллар дәвамында балаларга һәм үсмерләргә карата рәхимсезлек, көч куллану мәсьәләләрен хәл итеп килә, профилактика чаралары үткәрелә. Балигъ булмаган балаларның хокукларын, тормыш-көнкүреш мәнфәгатьләрен закон нигезендә яклау өлкәсендә эшләр башкарыла.
2012 елда районның балигъ булмаганнарның эшләре һәм аларның хокукларын яклау комиссиясендә (рәисе Р.Сабиров) барлыгы 229 материал каралган. Шулар эченнән 201 материал балаларны тәрбияләүгә тиешле игътибар бирмәгән ата-аналарга карата әзерләнгән. Үсмерләрне начар гадәтләргә җәлеп иткән өчен 12 кеше җавап тоткан.