“Саба таңнары”на язылмый калмыйсызмы?

Хөрмәтле сабалылар!

2017 елның беренче яртысына абунә тәмамланырга бик аз вакыт калды. Шушы көнгә булган мәгълүматлар әле газетаны быел алдыручылар арасында да "Саба таңнары"на язылырга өлгермәүчеләр барлыгын күрсәтә. Аларга 2017 елда да "Саба таңнары" белән бергә булырга киңәш итәбез. Яңа ел килеп җиткəн. Авыл кешесенең малларын суйган, каз өмәләре үткәргән - чолан, суыткыч тулы ит. Өстәлләр мул булачак, ә менә "Саба таңнары"на язылмый калганнарга барыбер дә нидер, җитмәячәк. Кеше рухи азык җитмәүне авыррак та кичерә әле. Шундый хәл булмасын өчен 2-3 көн эчендә газетага язылырга кирәк. Шунысын да тагын искәртеп үтәсе килә, "Әти-әниеңне һәм якыннарыңны яздыр!" акциясе дәвам итә. Яңа елда да бергә булыйк.