Сабада гомер кичерүче Рәшидә апа Ибраһимова 90 яшьлек юбилеен билгеләп үтте [фоторепортаж]

автор, 16 апрель 2013 - 06:22

789

Ветеранны Саба муниципаль районы башкарма комитеты җитәкчесе урынбасары Таһир Шәрәфиев, социаль яклау идарәсе начальнигы Марсель Хуҗин котлады.

Сабада гомер кичерүче Рәшидә апа Ибраһимова 90 яшьлек юбилеен билгеләп үтте [фоторепортаж]

Кунаклар Россия президентының котлау хатын, бүләкләр, чәчәк бәйләмнәрен тапшыргач, юбилярлар белән матур әңгәмә кордылар. Ак яулыклы Рәшидә апа исә : "Безне зурлап килгәнегез өчен Аллаһы Тәгалә үзегезне зурласын", - дип эчкерсез рәхмәтләрен җиткерде.

Заманында ачлыкны, юклыкны күргән юбиляр, шөкер, бүген мул тормышта туганнарының кайгыртуларын тоеп яши. Рәшидә апа кызы Фәйрүзә, кияве Рамил белән көн күрә. "Балаларым кадерләп кенә торалар. Киявемнән бик уңдым мин", - дип, Рәшидә апа киявен дә рәхмәткә күмде бу көнне.