Сабалылар Казан ярминкәсендә!

Сентябрьдән авыл эшчәннәре матур гадәт буенча үзләре җитештергән продукцияне республика башкаласында үткәрелүче ярминкәләрдә шәһәр халкына тәкъдим итә. Продукция сату графигында безнең район да бар. Ярминкәләр башланып китте. Сабалылар 23 сентябрьдә "Агропромпарк" та сәүдә итәчәк. Шул уңайдан, район башкарма комитеты җитәкчесе урынбасары Таһир Шәрәфиев 19 сентябрьдә авыл хуҗалыгы оешмалары җитәкчеләре белән киңәшмә уздырды.
Киңәшмәдә ярминкәдә сату итәчәк авыл хуҗалыгы оешма-предприятиеләре, шәхси эшмәкәрләр һәм авыл җирлекләренә продукцияләренең сыйфатына ныклы игътибар бирергә кирәклеге җиткерелде.