Такси төсенә таләп

Хәзер әлеге хезмәтне бары ак һәм сары машиналар гына күрсәтә ала. Башка төстәге машина хуҗаларының элегрәк алган рөхсәт кәгазьләре, законга туры килмәгәнлектән, гамәлдән чыгарылачак. Таксида эшләү өчен рөхсәт кәгазе булганнарның машиналары да тиешле атрибутика белән җиһазландырылган булырга тиеш. Машинаның алгы панелендә таксидан файдалану шартлары турында мәгълүмат куелу зарур. Моннан тыш машина йөртүченең фоторәсеме белән визит карточкасы, такси хезмәтенең исеме, адресы һәм контакт телефоннары булу да мәҗбүри. Әлегә районда таксиларның төрле төсләрдәгеләрен күрергә мөмкин. Быел ЮХИДИнең район бүлекчәсе хезмәткәрләре тиешле таләпләргә җавап бирмәгән 9 таксины тоткарладылар.