Урманда башсыз мәет тапканнар

Мәетне 10 май көнне урманга гөмбә җыярга килүчеләр табып ала һәм полициягә хәбәр итә. Полиция хезмәткәрләре мәетнең 2021 елның октябрь азагында югалган ир-ат - 46 яшьлек Вячеслав Б. икәнен ачыклый. Туганнары сүзләренчә, ир-ат 2021 елның 31 октябрендә исерек килеш гөмбә җыярга чыгып китә. Ул эпилепсия чире белән авырган һәм алкоголь кулланган, шулар аркасында еш кына үзен белештерми торган булган. Ир-атны кием-салым һәм әйберләре буенча таныйлар. Мәетнең башы юк, ә тәнендә теш эзләре күренә. Тикшерүчеләр ирнең башын еркыткыч хайваннар өзгән, дип фаразлый. Билгеле булганча, һәлак булган ир-ат беренче Чечня кампаниясе ветераны булган.