Казанда “Татар киносы атналыгы” узачак

25-30 апрельдә Казанда “Татар киносы атналыгы” уза. Атна дәвамында фильмнар күрсәтеләчәк һәм иҗади очрашулар узачак. Бу хакта Бөтендөнья татар конгрессы сайтында хәбәр ителә.

Фестиваль тамашачыларына Татарстан режиссерларының ретроспектив фильмнары да, соңгы елларда төшерелгән яшь кинематографистлар эшләре дә тәкъдим ителәчәк.

“Татар киносы атналыгы” программасында төрле жанрлар: комедия, кыскаметражлылар, классик әдәбият мотивлары буенча төшерелгән тулыметражлы драмалар, истәлекле вакыйгаларга бәйле документаль фильмнар да булачак. Алар - Илдар Ягъфәров, Салават Юзеев, Алексей Барыкин һәм Фәридә Дәүләтшина эшләре.

“Татар киносы атналыгы” республиканың, Россия төбәкләренең башка шәһәрләрендә дә һәм төрки дөньясы илләрендә дә узачак. 

Фото: http://tatar-inform.tatar

http://tatar-inform.tatar