Кылган гамәл булсын яхшыдан
Яхшы итеп яшибезме без, яман итепме? Аллаһ бәндәләрне сынар өчен, төрле-төрле кешеләрне яратты.
Ул: «Кайберәүләрнең дәрәҗәсен югары күтәреп, кайберләрнекен түбән төшереп сынармын Мин сезне» дигән. Кайберләрнең яхшы, кайберләрнең начар яшәве кылган гамәле белән генә түгел, шөкерана кылуыннан да килә. Кайвакыт әнә шуның белән алданабыз. Әнә ул урлый да, сүгенә дә, кешесен дә рәнҗетә, бик әйбәт яши әле, ә тегесе намаз укудан туктаганы юк, үзе хәерчелектә яши, – дибез. Шуның аркасында бик күп кешеләр дөньяда кяфер булалар. Хакыйкатьне аңлый алмыйлар. Чөнки алар хакыйкатьне Коръән аятьләре, хәдисләр белән түгел, дөнья байлыгы белән генә үлчиләр. Бай яши икән, димәк, әйбәт. Ярлы яши икән, димәк, начар. Хакыйкать анда түгел, хакыйкать мәңгелеккә барасы җирдә көтеп тора. Дөнья – ул сезнең кулыгызда бер алдавыч уенчык, ди Аллаһ. Кемнәр шушы уенчыкка алданмадылар, Аллаһы кыямәт көнендә шуларга рәхимле.
Җәлил хәзрәт Фазлыев
Вәгазьләреннән
Фото: https://cdn.pixabay.com | jpeter2
Следите за самым важным и интересным в Telegram-каналеТатмедиа
Нет комментариев