«Айданавыборы» фотомарафонында катнаш!
18 март көнне Татарстанда масштаблы «Айданавыборы» фотомарафоны башлана. Фотомарафонда катнашу өчен сайлау участокларындагы махсус фотозонада фотога төшү кирәк. Аннары ул фотоларны #айданавыборы хэштегы белән Instagram яки Вконтакте социаль челтәрләренә, үзеңнең шәһәреңне яки торак пунктыңны күрсәтеп куерга кирәк.
Барлык фотолар да марафонның рәсми сайтына кертеләчәк һәм анда тавыш бирү ачылачак. Үзләренең номинациясендә иң күп тавыш җыйган фото авторлары бүләкләр алачак.
Теләгән һәр кеше кыйммәтле бүләкләр өчен барган көрәштә катнаша ала. Бүләкләр арасында iPhone, iPad, Apple Watch, фотоаппаратлар һәм башка призлар бар.
Марафонны республикабызның танылган шәхесләре — телевидение йолдызлары, блоггерлар, җырчылар һәм башкалар хуплаган. Тулырак мәгълүмат Фотомарафон төркемендә Фотомарафон «Айданавыборы» һәм айданавыборы.рф сайтында.
Следите за самым важным и интересным в Telegram-каналеТатмедиа
Нет комментариев