Белгечләр мәче белән бер ятакта йоклауның ни өчен зыянлы булуын аңлатты

Чөнки мәчеләр — төн хайваннары. Алар тәүлекнең күп өлешен йоклап уздыра, ә менә төнлә ауга чыгалар. Төнлә мәче бер урыннвн икенче урынга күчә, уйнарга, тегендә-монда йөреп торырга мөмкин. Шуның белән ул кеше йокысына начар тәэсир итә. Андый кешеләр йокыдан арыган килеш тора, көне буе үзләре дә аңламаган ниндидер бер стресста йөри.

Һәм, әлбәттә, бактерияләр… Хәтта чиста йорт хайваны да аларны таратучы булып тора. Мәче туалетка баргач, үзенең «эшен» тәпиләре белән күмеп куярга тырыша. Аягында калган экскрементлар фатир буйлап тарала, шул исәптән караватта да. Бу исә дерматит яисә паразитар инфекция белән авыруга китереп җиткерергә мөмкин.

Фото: https://pixabay.com | Free-Photos

http://maydan.tatar