2014 елда балаларының ничек БДИ тапшырганын ата-аналар интернет аша күзәтә алачак

Ана капиталы һәм пенсияләрне дәүләт ярдәмендә финанслау программаларын озынайту, БДИгә контрольне көчәйтү 2014 елда социаль өлкәдә мөһим вакыйгалардан булачак. Картлык пенсиябезне дәүләт булышлыгы белән арттыру мөмкинлеге тагын бер елга озайтыла. Ә ана капиталы программасына керү исә 5 яисә 10 елга кадәр озайтылырга мөмкин. Төгәл 2014 елның июлендә хәл ителәчәк. 2014 елда балаларының ничек Бердәм дәүләт имтиханнары тапшырганын ата-аналар интернет аша күзәтә алачак.

2014 елның июненнән рестораннарда һәм барларда да тәмәке тарту тыелачак. Шулай ук кунак­ханәләрдә, тимер юл платформаларында, базарларда тарткан өчен дә чара күрү гамәлгә кертеләчәк.