2017 елда Россиядә уратача гомер озынлыгы ярты елга арткан

Ольга Голодец белдерүенчә, уртача гомер озынлыгының артуы үлемнәр саны кимү белән бәйле.

(Казан, 14 август, «Татар-информ»). Россиядә агымдагы елда, беренче ярты ел йомгаклары буенча, уртача гомер озынлыгы 72,4 яшьне тәшкил иткән, дип белдерде вице-премьер Ольга Голодец. Бу хакта "Интерфакс" яза.

"Россиядә уртача гомер озынлыгы беренче тапкыр 72 яшьтән узды. Росстат бәяләвенчә, ул хәзер 72,4 яшьне тәшкил итә", - диде Голодец журналистларга дүшәмбе көнне.

Аның сүзләренчә, шул рәвешле, узган ел белән чагыштырганда, Россиядә уртача гомер озынлыгы ярты елга арткан. Вице-премьер ассызыклавынча, уртача гомер озынлыгының артуы үлүчеләр саны кимүе белән бәйле.

http://tatar-inform.tatar