Саба таңнары
  • Тат Лат
  • 2021 елда Татарстан Иделне савыктыруга 544 млн сумнан артык акча юнәлдерәчәк

    Киләсе елга республика бюджетында «Әйләнә-тирә мохитне саклау» бүлеге буенча чыгымнар 975,5 млн сум күләмендә планлаштырылган.

    2021 елда Идел елгасын савыктыруга Татарстан бюджетында 544 млн сумнан артык акча каралган. Бу хакта ТР финанслар министры урынбасары Алла Анфимова ТР Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында хәбәр итте.

    «2021 елда «Әйләнә -тирә мохитне саклау» бүлеге буенча чыгымнар 975,5 млн сум күләмендә каралган, шуның 544,7 млн сумы «Иделне савыктыру» федераль проекты чараларын тормышка ашыруга тотылачак», - дип сөйләде докладчы.

    Реклама

    Анфимова киләсе елга республика бюджетында авыл хуҗалыгын үстерүгә 13 млрд сум салынган, дип өстәде. Моннан тыш, шәхси ярдәмче хуҗалыкларга һәм шәхси хуҗалыкларга ярдәм итүгә 2 млрд сум тирәсе бүлеп биреләчәк.  

    Фото: архив/Владимир Васильев

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: