Хәзерге вакытта М7 автомобиль юлында 17,2 чакрым озынлыгындагы ике участокта Чувашия юнәлешендә реконструкция эшләре бара. Зөя елгасы аша күпер кичүе янында 7 чакрым озынлыгындагы участокта эшләрне быел тәмамларга ниятлиләр, диде спикер.

«Казан – Екатеринбург транспорт коридоры составында трассаның Чаллыдан Башкортстан чигенә кадәрге 96 чакрым озынлыгындагы участогына реконструкция ясалачак. Хәзерге вакытта М7 трассасының реконструкция һәм капиталь ремонт эшләре үткәрелгән өлешендә каршы агымнарны бүлә торган киртәләр урнаштырылган», - дип белдерде Гатауллин.

Аның сүзләренчә, каршы агымнарны тимер киртә белән бүлү мөмкин булмаган икенче һәм өченче категорияле юлларда махсус полосалар ясала, юл хәрәкәтен оештыру схемасы үзгәртелә, сызыкларның махсус төрләре кулланыла.

Бу хакта тулырак: https://tatar-inform.tatar/news/kazannyn-ber-sauda-uzagenda-usmerlar-totkarlangannan-son-tikseru-ese-baslangan-5867593