“Алло, Путин?” Халык Илбашының ярдәменә өметләнә

Россия Президентының матбугат сәркатибе Дмитрий Песков сүзләренә караганда, быелгы чара географиясе ягыннан да, техник мөмкин­лекләр буенча да алдагыларыннан аерылып торачак. Соңгы өмет итеп, Илбашына мөрәҗәгать итүчеләр дә ел­дан-ел күбрәк. Узган ел Путин дүрт сәгатькә якын халык бе­лән аралашты. Россия Президентына 2 миллионга якын сорау юллаганнар. Ул алар­ның 73енә җавап бирде. Путинга сорауларны 7 июнь­гә кадәр телефон аша, смс-хәбәр ярдәмендә, шулай ук, программаның рәсми сайтына кереп һәм кесә теле­фо­нын­дагы махсус кушымта аша җибәрергә мөмкин. Мө­рә­җәгатьләрне кабул итү һәм эшкәртү үзәге тәүлек буе эшли. Россиядә яшәүче­ләр­дән шалтыратуларны 8 800 200-40-40 телефон номеры буенча кабул итәләр. Чит илдә яшәүчеләр өчен дә телефон номерлары бар. Шалтырату бушлай. Быел әлеге эшкә волонтерларны да җәлеп ит­кән­нәр. Социаль челтәр­ләр­дә рәсми төркем­нәр гамәлдә. Соңгы елларда сорауны видеога төшереп җибәрүчеләр күбәйде, ди оештыручылар. смс-хәбәр – 70 тамгадан, ә видео 1 минуттан артмаска тиеш. “Туры эфир” көндезге сәгать уни­кедә башлана.

Илбашына килеп иреш­кән тәүге сораулар да билгеле булды. Алар нигездә мә­га­риф һәм фән, социаль тәэ­мин итү, ТКХ кебек мәсьә­лә­ләр­гә кагыла. “Бензин бәясе 50 сумлык чиккә якынлашып килә. Бу – бик күп”, – дип зар бел­дергән берәү. Икен­чесе исә: – “Тула өлкәсендә ир-атлар­ның уртача гомер озын­лыгы – 64 яшь. Ә пен­сиягә чыгу вакытын 65 яшьлек чиккә кадәр күтәрмәк­челәр”, – дип язып куйган. Социаль челтәр аша мөрә­җә­гать иткән бер малай: “Бик әйбәт укыйм, дип әйтә алмыйм, моңа өстәп, әтисез үсәм. Сезгә бик зур үтенечем бар – кадетлар мәктәбенә укырга керергә булышыгыз әле. Ярдәм итәр­сез дип өмет­ләнәм”, – дигән. Тормыш Путинсыз бармый!

Фото: http://www.vatantat.ru
http://www.vatantat.ru