Ана капиталын- балалар укытуга

2024 ел башыннан Татарстанда 4 848 гаилә балаларга белем бирү өчен ана капиталы ярдәмендә түләгән. Россия Социаль фондының Татарстан Республикасы буенча бүлеге бу максатларга 357,8 миллион сумнан артык акча җибәрде.

Ана капиталы ярдәмендә теләсә кайсы белем бирү оешмаларында, балалар бакчасыннан һәм мәктәптән башлап колледж һәм университетка кадәр, шулай ук чит тел һәм автомобиль йөртү курслары, иҗат дәресләре һәм спорт дәресләре өчен түләргә мөмкин. Моннан тыш, ана капиталы уку вакытында бирелгән Тулай торакта торак һәм коммуналь хезмәтләр өчен түләргә мөмкинлек бирә. Төп шартлар: уку йорты Россия территориясендә урнашырга һәм белем бирү эшчәнлеген гамәлгә ашыруга лицензиясе булырга тиеш.

Ана капиталы акчаларын гаиләдәге теләсә кайсы балага кулланырга мөмкин, шул ук вакытта баланың укуны башлау вакытына яше 25 яшьтән артмаска тиеш. Мәктәптә, көллияттә яки университетта уку өчен сертификат алган бала өч яшькә җиткәч кенә түләргә мөмкин. Акчаларны балалар бакчасына һәм мәктәпкәчә программалар буенча дәресләргә сабый туганнан соң ук тотарга мөмкин.

"Татарстан Республикасы буенча СФР бүлеге мәгариф оешмалары һәм шәхси эшмәкәрләр белән мәгълүмати хезмәттәшлек турында 129 килешү төзеде. Әгәр уку йорты мондый мәгълүмати алмашуда катнаша икән, татарстанлыларга түләүле белем бирү хезмәтләре күрсәтү турындагы шартнамәнең күчермәсен бирергә кирәкми, ана капиталы белән эш итү турында гаризаны дәүләт хезмәтләре порталында тапшыру да җитә», — дип искәртте Россия Социаль фондының Татарстан Республикасы буенча бүлеге идарәчесе Эдуард Вафин.

Исегезгә төшерәбез, 2024 елда ана капиталы күләме беренче балага 630,4 мең сум тәшкил итә. Икенчесе туган очракта гаилә 202,6 мең сум өстәмә түләү ала.Әгәр икенче яки аннан соңгы теләсә кайсы бала туганчы ана капиталына хокук булмаган яки ул рәсмиләштерелмәгән булса, гаилә 833 мең сумга хокуклы. Акчаларны торак шартларын яхшыртуга, 3 яшькә кадәрге сабыйларга айлык түләүләргә, балаларны укытуга, инвалид балаларны социаль адаптацияләүгә, хатын-кызларның тупланма пенсиясенә юнәлтергә мөмкин. 

Сорауларыгыз булса,  Россия Социаль фондының Татарстан Республикасы буенча бүлекчәсенең Бердәм контакт-үзәге телефоны аша мөрәҗәгать итә аласыз: 8-800-1-00000-1. (дүшәмбе.пәнҗ. 08.15 дән 17.30 га кадәр. Җомга 08.15 дән 16.15 кә кадәр).

Шулай ук актуаль яңалыклар белән Сез безнең социаль челтәрләрдә — ВКонтактеда, ОК һәм Telegram да таныша аласыз.