Балаларга бәйле мөрәҗәгатьләрнең күпчелеге белем бирү сыйфатына бәйле – Гүзәл Удачина

Татарстан Республикасында балалар хокуклары буенча вәкаләтле вәкил Гүзәл Удачина ата-аналар мәгариф системасының белем бирү сыйфаты белән канәгать түгел, дип әйтте. Аның сүзләренчә, ата-аналар мәктәп стеналарында туган конфликтлы мәсьәләләргә дә зарлана. Бу хакта ул "Татар-информ" мәгълүмат агентлыгына биргән интервьюсында әйтте.

“2016-2017 елның тенденциясе булып мөрәҗәгать итүче кешеләр тарафыннан күтәрелгән мәгариф мәсьәләсе тора. Бу очракта сүз ата-ананың белем сыйфаты белән канәгать булмавы турында бара. Иң күбе ата-аналар мәктәп яки балалар бакчасы стеналарында туган төрле конфликтлы мәсьәләләргә зарланалар. Конфликт тәрбияче белән ата-ана арасында, мәктәп булса, укытучы белән ата-ана, укытучы белән бала, гаилә һәм администрация арасында туарга мөмкин. Мондый вазгыять, гомумән, булырга тиеш түгел. Балалар белемне максималь рәвештә уңайлы итеп алырга тиеш. Белем бирү учреждениесендә конфликты ситуация чыкты дигән сүз,  гомумән, була алмый. Максималь рәвештә уңайлы укыту – ул белем бирү учреждениесенең турыдан-туры бурычы. Бу тенденция бүгенге көндә безне бик борчый, без аны күзәтеп торабыз”, - диде Гүзәл Удачина.

Фото: Султан Исхаков