Саба таңнары

Бөек Ватан сугышы ветераны Тәскирә Бибарцева вафат булган

Буген шомлы хәбәр килеп иреште - Бөек Ватан сугышы ветераны Тәскирә Хәсән кызы Бибарцеваның йөрәге тибүдән туктады - сугыш һәм хезмәт ветеранына Җиңүнең 70нче язын каршылау насыйп булмаган... Быел июль аенда аңа 95 яшь тулырга тиеш иде. Тәскирә апаның гаиләсенең,туганнарының авыр кайгысын уртаклашабыз. Узган чәршәмбедә генә газетабызда Тәскирә апаның язмасы...

Буген шомлы хәбәр килеп иреште - Бөек Ватан сугышы ветераны Тәскирә Хәсән кызы Бибарцеваның йөрәге тибүдән туктады - сугыш һәм хезмәт ветеранына Җиңүнең 70нче язын каршылау насыйп булмаган... Быел июль аенда аңа 95 яшь тулырга тиеш иде.

Тәскирә апаның гаиләсенең,туганнарының авыр кайгысын уртаклашабыз.

Узган чәршәмбедә генә газетабызда Тәскирә апаның язмасы басылып чыккан иде. Бу аның безнең редакциябезгә җибәргән соңгы хаты булган...

Көтеп алам, яратып укыйм

Без Сабага 1950 елда, укытучылар җит­мәгәнлектән, Наркомпрос юлламасы белән килдек. Аңарчы газета редакциясендә эшләгән идем. Сабага килүгә, район матбугаты чыга торган бинаны эзләп таптым һәм газетага язылып та кайттым.Үзем дә мәкаләләр яза башладым. Шулай итеп, район матбугатын 1950 елдан алам һәм яратып укыйм. Узган ел ахырында "Саба таңнары"нда басылып чыккан мәкаләдә хезмәт ветераны Һаҗәр Фатыйхова газетаны ярты гасыр алдырам дигән иде. Минем район матбугатын "Колхоз байрагы", "Җиңү байрагы" булган чакларыннан алдыра башлаганыма 65 ел була икән. Газетаның исеме генә түгел, җисеме дә үзгәрде. Мин бүгенгеләрен "Саба таңнары"на кадәр чыкканнары белән чагыштырып карыйм да, шулай дип әйтәм. Мин "Саба таңнары"на 2015 елның беренче яртысына да беренче кеше булып язылдым. Газетаның һәрбер санын көтеп алам, яратып укыйм. Кайбер районнарда газетага язылучыларны кызыксындыру өчен төрле бүләкләр дә биреп карадылар. "Саба таңнары"на халык үзе теләп язылды.

"Саба таңнары" газетасы редак­циясенә белемле коллектив тупланган. Барлык мәкаләләр дә тирән эчтәлекле итеп мисаллар белән баетып языла. Район матбугатында хезмәт итүчеләрнең барысына да иҗади уңышлар, сәламәтлек телим.

Тәскирә Бибарцева,

сугыш һәм хезмәт

ветераны.

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: