Белгечләр 2017 елның иң җиңел парольләр рейтингын төзегән

SplashData аналитика компаниясе белгечләре 2017 елның иң җиңел парольләр рейтингын төзегән. Бу хакта CSO порталына сылтама ясап РИА Новости агентлыгы хәбәр итә.

Галимнәр хакерлар «җимергән» 5 миллионга якын парольгә анализ ясаган. Нәтиҗәдә, инде дүртенче ел рәттән исемлектә «123456» комбинациясе беренче урынны били. Рейтингның икенче баскычында - password («пароль») сүзе, өченчедә - «12345678» варианты.

Экспертлар билгеләп үткәнчә, быел интернет кулланучылар арасында, санлы парольләр һәм исемнәрдән тыш, «Йолдызлар сугышы» фильмына бәйле сүзләр дә популяр булган.

Белгечләр әлеге исемлеккә кергән парольләрнең вариантларын кулланырга киңәш итми.

http://tatar-inform.tatar