Берничә көн элек өеннән чыгып киткән Марат Вәлиевның мәете табылды

Кичә, 8 февраль көнне, өч көн элек өеннән чыгып киткән Марат Вәлиевның мәетен таптылар.

6 февральдә иртән 6:45 өйдән чыгып киткән Марат Вәлиев 7:00 дә ДК КамАЗ тукталышында "Бегишево" аэропортына алып баручы вахта автобусына утырып китәргә тиеш булган. Ләкин ул вахта автобусына утырмаган. 8:17 дә җитәкчесе аны эш урынында тапмагач, телефонына шалтыраткан. Ул тиздән килеп җитәчәген хәбәр иткән, тик эшкә килмәгән.

Хокук саклау органнары тикшерү эшләре алып бара.

Үлемнең сәбәпләре турында әлегә төгәл мәгълүмат юк.