Бөек Ватан сугышы ветераннарына, Махсус хәрби операциядә катнашучыларга һәм аларның гаилә әгъзаларына нинди ярдәм чаралары каралган?

Россия Социаль фондының Татарстан Республикасы бүлеге Бөек Ватан сугышы ветераннарына һәм махсус хәрби операциядә катнашучыларга ярдәм чараларына багышланган брифинг үткәрде. Чара үткәнебез геройлары истәлегенә хөрмәт һәм бүгенге заман сугышчылары батырлыгына символ буларак Россия Президенты Владимир Путин тарафыннан игълан ителгән Ватанны саклаучылар елы алдыннан узды. Бүлек идарәчесе Эдуард Вафин Татарстанның һәр муниципаль берәмлегендә, Казанның җиде районында һәм Байконур шәһәрендәге барлыгы 52 клиент хезмәте  аша тормышка ашырыла торган социаль түләүләр һәм хезмәтләр турында җентекләп сөйләде.

Бөек Ватан сугышы ветераннарына бер тапкыр түләнә торган түләүләр

       Җиңү көненә ел саен бирелә торган түләүләр Бөек Ватан сугышы ветераннарына ярдәм итүнең мөһим традициясе булып кала. Президент Указы нигезендә ел саен ветераннар өстәмә 10 000 сум акча ала, ә юбилей елларында суммалар арттырыла. 2025 елда, Җиңүнең 80 еллыгы уңаеннан, арттырылган түләүләр каралган: инвалидлар һәм сугыш ветераннары,  балигъ булмаган нацист концлагерьлары,  төрмә һәм гетто тоткыннары,  сугышта һәлак булганнарның тол хатыннары яки тол калган ир-атлар, шулай ук «Блокадалы Ленинградта

яшәүче», «Камалган Севастопольдә яшәүче» һәм «Камалыштагы Сталинградта яшәүче» билгеләре белән бүләкләнгән затлар 80 000сум акча алачак.

  Икенче категория - 1941 елның 22 июненнән 1945 елның 9 маена кадәр кимендә алты ай тылда эшләүчеләр (оккупацияләнгән территорияләрдән тыш) һәм СССР орденнары яки медальләре белән бүләкләнүчеләр, шулай ук концлагерьларның балигъ булган тоткыннары - 55 000 сум акча алачак.

         Идарәче әйтүенчә,  «Яшәү урынына карамастан, барлык ветераннар акча алуга хокуклы, өстәвенә, түләү процессы максималь гадиләштерелгән: 80 000 һәм 55 000 сум күләмендә Җиңүнең 80 еллыгына түләүләр бернинди мәшәкатьсез апрель ае  пенсиясе белән бергә автомат рәвештә күчереләчәк».

Айлык акчалата түләүләр һәм социаль хезмәтләр

        Ай саен бирелә торган акчалата түләү (ЕДВ) - Бөек Ватан сугышы ветераннарына һәм махсус хәрби операциядә катнашучыларга  күрсәтелә торган  массакүләм ярдәм чараларының берсе. Хәрби хәрәкәтләр ветераннарына һәм махсус хәрби операциядә катнашучыларга  ай саен бирелүче түләү суммасыннан социаль хезмәтләр җыелмасы (НСУ) бәясе тотып калынмый. Түләү тарафыннан ветеран таныклыгы бирелгән мизгелдән башлап тулы күләмдә йә гариза нигезендә, йә Сак министрлыгы  мәгълүматларыннан чыгып,  автомат рәвештә билгеләнә. Россия Федерациясе Геройлары исеменә лаек булучыларга аерым игътибар бирелә: махсус хәрби операция башланганнан бирле Татарстаннан җиде хәрби хезмәткәр әлеге  мактаулы исемгә ия, шуларның бишесенә Герой исеме һәлак булганнан соң  бирелгән, аларның гаиләләренә айлык акчалата  түләү билгеләнгән.

          Социаль хезмәтләр җыелмасы өч төп өлештән тора: дарулар, медицина кирәк-яраклары һәм дәвалау туклануы белән тәэмин итү; авыруларны профилактикалау өчен шифаханә-курорт дәвалануына юлламалар; дәвалау урынына шәһәр яны тимер юл транспортында яисә шәһәрара транспортта бару һәм кире кайту чыгымнары. 2025 елның 1 февраленнән социаль хезмәтләр җыелмасы бәясе аена 1 728,46 сум тәшкил итә, шуларның 1

331,30 сумы - даруларга, 205,95 сумы - шифаханә-курорт дәвалануына, 191,21 сумы – юл чыгымнарына. Федераль ташламага ия булучылар  ярдәм формасын үзләре сайлый : алар хезмәтләрдән файдалана, тулысынча яки өлешчә акчага өстенлек бирә алалар.  

  Эдуард Вафин системаның сыгылмалылыгын ассызыклады:

“Ветераннарның һәрвакыт сайлау мөмкинлеге бар: социаль ярдәмне тулысынча акчалата эквивалентта алу яки социаль хезмәтләр  җыелмасыннан файдаланып, бушлай дарулар яки юлламалар алу,  чөнки хәзер алар өчен сәламәтлек беренче урында ”-диде ул.

Мобилизацияләнүчеләрнең гаиләләренә социаль ярдәм чаралары

       Мобилизацияләнгән гражданнарның гаиләләре Россия Социаль фондының Татарстан Республикасы бүлеге аша  социаль ярдәм чаралары алалар.  Хәрби хезмәткәрләрнең йөкле хатыннары өчен бер тапкыр түләнә торган (йөклелек срогы 180 көннән -42 285 сум) хезмәт чорында һәм демобилизацияләнгәннән соң 6 ай  эчендә гариза тапшырылган очракта баласына 3 яшь тулганчы айлык түләүләр (18 285 сум)-шундыйлардан. Болардан  тыш, гаиләләр бала тапканда һәм тәрбияләгәндә, йөклелекнең  12 атнага кадәр исәпкә баскан хатын-кызлар да  айлык пособиегә дәгъва итә ала.

Пенсия белән тәэмин итү һәм реабилитацияләүнең техник чаралары

        Махсус хәрби операциядә катнашучыларны   пенсия белән тәэмин итү дәүләт (социаль) яисә иминият пенсияләре аша гамәлгә ашырыла. Гомуми авыру яки хәрби имгәнү буенча инвалидлык алып, хезмәттән  азат ителмәгән инвалидларга дәүләт пенсиясе билгеләнә.  Иминият пенсиясе инвалидлык төркеменә, стажга, хезмәт хакы күләменә, взносларга  һәм иждивенецлар булуга бәйле.

         2025 елдан тернәкләндерүнең техник чаралары (ТСР) белән ике ысул аша тәэмин итеп була: дәүләт контрактлары яки «МИР» картасына бәйле электрон сертификат ярдәмендә. Гариза дәүләт хезмәтләре, клиент хезмәтләре яки күпфункцияле үзәк  аша бирелә, гаризада берничә чара - электр приводлы таяклардан алып, коляскаларга кадәр күрсәтелергә мөмкин. 

Акча казначылыкта резервлана, ә кирәк әйберне сатып алу ветеран тарафыннан мөстәкыйль башкарылу әлеге процессны  гадиләштерә.

        Эдуард Вафин электрон сертификатның уңайлылыгына һәм һәркем файдалана алырлык булуына игътибар юнәлтте: “Бу ысул ветераннарга үзләрен тернәкләндерү өчен  техник чаралар: трость, коляска,  ортопедик аяк киеме һәм индивидуаль реабилитация программасында язылган башка эйберләрне сайларга мөмкинлек бирә”.

Санатор-курорт дәвалануы һәм тернәкләндерү

        Ветераннар һәм Махсус хәрби операциядә катнашучылар,  медицина күрсәткечләре буенча (белешмә 070/У) шифаханә-курорт дәвалануына юлламалар сорап,  Социаль фондның төбәк бүлегенә мөрәҗәгать итә ала. 2025 елдан башлап демобилизацияләнгән хәрби хезмәткәрләр Социаль фонд үзәкләрендә ел саен 23 көнгә кадәр тернәкләндерү уза яисә 21 көн дәвамында шифаханәләрдә сәламәтлекләрен ныгыта. I төркем инвалидлар һәм Россия Геройлары юллама белән  чираттан тыш тәэмин ителә, ә озатып баручыларга юл чыгымнары һәм яшәү өчен түләү  документлар белән гариза тапшыргач компенсацияләнә.

         Идарәче ассызыклаганча: “Без Социаль фондның 12 үзәгендә тулы күләмдә тернәкләндерү һәм шифаханә-курорт дәвалануын тәэмин итәбез. Реабилитация медик-социаль экспертиза мәгълүматлары буенча алып барыла, әмма үзәкләр үзләре дә диагностика үткәрәләр һәм дәвалау билгелиләр. Вакытны экономияләү максатыннан  чыгып, март аеннан ветераннарга гаризаларны дәүләт хезмәтләре порталы аша бирергә мөмкин булачак".

         Доклад ахырында Татарстан Социаль фонды бүлек  идарәчесе Эдуард Вафин билгеләп үткәнчә, Татарстан Республикасы Социаль фонд бүлеге балалары булган гаиләләргә ярдәм  чараларын түләүдән башлап, пенсияләр билгеләү,  реабилитацияләү һәм шифаханә-курорт дәвалануына кадәр меңләгән гражданнарны колачлаган чаралар спектрын гамәлгә ашыра.

Бердәм контакт-үзәкнең 8-800-100-00-01 телефоны буенча һәм ВКонтакте, Одноклассники, Telegram социаль челтәрләре аша өстәмә мәгълүмат алырга мөмкин.

Россия Социаль Фондының Татарстан Республикасы буенча

бүлекчәсенең Контакт –үзәге  8 800 1-000-001

Интернет-ресурслар http://sfr.gov.ru