Бүген Татарстанда Рәис, төбәк һәм муниципаль депутатларны сайлаулар узачак

Татарстан Рәисе вазыйфасына дүрт кандидат дәгъва кыла:

• республиканың хәзерге җитәкчесе Рөстәм Миңнеханов («Бердәм Россия»), ул игътибарны халыкның тормыш сыйфатын яхшыртуга юнәлтә;
• Дәүләт Советы депутаты һәм эшмәкәр Руслан Йосыпов (ЛДПР), ул үз кампаниясен гражданнар һәм яшьләр белән аралашуга юнәлдергән;
• традицион кыйммәтләрне тәкъдим итүче тәҗрибәле сәясәтче Хафиз Миргалимов (КПРФ);
• пенсионерлар хокуклары өчен көрәшүче радиофизик һәм эшмәкәр Виталий Смирнов (Россия пенсионерларының «Социаль гаделлек өчен» партиясе).

Муниципаль сайлауларда рекордлы санда катнашучылар теркәлгән – 11,4 меңнән артык кандидат.

Алар арасында – «Бердәм Россия» (5,5 меңгә якын), «Яңа кешеләр» (1,5 мең), ЛДПР (510), КПРФ (465), «Гадел Россия» (353), «Россия коммунистлары», Россия пенсионерлар партиясе, «Яшелләр», «Яблоко» һәм «Татарстан-Яңа гасыр» хәрәкәте (160) вәкилләре. 2,6 меңнән артык кеше үз-үзен тәкъдим итүче буларак катнаша.

Татарстанда тавыш бирү өчен 2752 участок ачылган. Участоклар 7:00 дән 20:00 сәгатькә кадәр эшләячәк.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/bugen-tatarstanda-rais-tobak-ham-municipal-deputatlarny-sailaular-uzacak-5910844