Бүген Халыкара оптимистлар көне

Кем ул оптимист?

Оптимист-һәр вәзгыятьтә вакыйгалар үсешенең уңай чишелешенә исәп тотучы кеше. Алар һәрвакыт диярлек күтәренке кәефтә булалар һәм күңелсезлекләрдән курыкмыйча, теләсә нинди шартларда уңышка ышануны өстен күрәләр. Оптимистны характерлый торган берничә төп билге бар, алар арасында:

1. Аралашу. Пессимисттан аермалы буларак, оптимист тирә-юньдәгеләрдә начар тәэсир калдырудан курыкмый, шуңа күрә аралашуда ышанычлырак һәм таныш булмаган кешеләр белән элемтәгә керү җиңел булып күренә.

2. Елмаю. Оптимистларның тагын бер үзенчәлеге - аларның йөзендә гел диярлек елмаю. Шат һәм елмаюлы булулары аркасында, алар алар үз яшьләреннән  5-10 елга яшьрәк күренәләр.

3. Мөстәкыйльлек. Оптимист һәрвакыт үз-үзенә ышана. Аңа тирә-юньдәгеләргә яки уңайлы шартларга өметләнергә кирәк түгел. Ул барысын да үз көче белән башкарырга сәләтле икәнен белә.

4. Инициатива. Оптимист кеше гадәттә нәрсә эшләргә теләгәнен яхшы белә, шуңа күрә ул һәрвакыт инициатива күрсәтә. Ул күбрәк омтылышлар ясаган саен уңышка ирешү мөмкинлеге зуррак булуын белә.

5. Күңелсезлекләргә тыныч карау. Оптимистларның проблемалары бар, ләкин алар беркайчан да төшенкелеккә бирелмиләр. Уңышка ышануны дәвам итеп, алар һәр уңышсызлыкны кыйммәтле тәҗрибә яки тырышлык белән җиңеп була торган проблема итеп кабул итәләр.

6. Максатчанлык. Оптимист куелган максатларга ирешәчәгенә һәрвакыт ышана, шуңа күрә аның мотивациясе юкка чыкмый. Уңышсызлык килеп чыкса да, ул альтернатив юл сайлый һәм тыныч кына алга баруын дәвам итә.

7. Депрессиягә бирелмәү. Бу билге ачык күренсә дә, барысы да аңа игътибар итми. Оптимист-ул уңышсызлыктан соң да уңай кәефтә кала, ә начар кәефтә сез аны беркайчан да күрмәссез.

8. Үз-үзеңә ышану. Күпчелек оптимистларның холыклары – алар үз-үзләренә нык ышанучан.

9. Үзгәрешләргә уңай реакция. Бу оптимистны пессимисттан аеру өчен иң ачык билгеләрнең берсе. Ул яңа вакыйгаларга һәрвакыт шат, хәтта алар аның бөтен планнарын бозсалар да. Үзгәрешләр аның кәефен яхшырта һәм аңа эмоциональ энергия өсти.

 Ә хәзер югарыдагылар буенча нәтиҗә чыгарып карагыз. Сез оптимистмы?