Буш түгел, Путин

Элек "куян", "үрдәк", "каз" кебек кушаматлар модада булса, хәзер заманга яраклаштырып кушалар: Ленин, Сталин, Хрущев, Путин һәм башкалар. Күрше авылларның берсендә яшәүченең ничек кушамат алуын сөйлим әле. Кызу көннәрнең берсендә басуда "Беларус" тракторының арткы тәгәрмәче тишелә. Тракторчы бар тырышлыгын җыеп, тәгәрмәчне салдырып ятканда хуҗалык рәисе килеп чыга да, кызу гына: "Син бушмы?"- дип сорый. Тәгәрмәч салдырып азапланган тракторчы моңа бик хәтере кала, билгеле. Ул рәискә акаеп карап ала да, исе китмичә генә: "Юк, мин Буш түгел, мин - Путин",- дип җавап кайтара. Тракторчының кушаматы, чыннан да, Путин була.

Данил Гәлләмов