Саба таңнары

Сабинский район

18+
2024 - Гаилә елы
Яңалыклар

Быел Татарстанда комбайнчылар бәйгесенә 490 грант премиясе каралган

Шуның 200ен районнар арасында үз җиңүчеләре арасында билгеләячәкләр.

Быел Татарстанда комбайнчылар бәйгесенә 490 грант премиясе каралган. Татарстан Республикасы Премьер-министры урынбасары – авыл хуҗалыгы һәм азык-төлек министры Марат Әхмәтов Хөкүмәт йортында узган брифингта шулай дип белдерде.

Ул былтыр бәйгедә бер җиңүчесе дә булмаган районнар булганын искәртте. Министр 490 премиянең 200е районнарда җиңүчеләрне үзләре билгеләсен өчен биреләчәген әйтте. 290 кеше исә, республика гранты җиңүчеләре булачак. Марат Әхмәтов әйтүенчә, моңа 20 млн сум күләмендә бюджет акчасы каралган.

“Республикада исемлекнең башына чыгу өчен шактый кызу көрәш бара”, - диде ул. Министр урып-җыюның әле яртысы гына тәмамланып килгән вакытта да, 2 мең тонна тирәсе ашлык суктырган комбайнчыларны мактап телгә алды. Аның сүзләренчә, башкаларның ни өчен күпкә калышуын район башлыклары белән очрашуларда ачыкларга тырышачаклар.

Фото: Салават Камалетдинов/архив

https://tatar-inform.tatar/

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X