Бәйрәм көненә җырлы бүләк

Чыгыш ясаучылар тамашачыларга матур кичә бүләк иттеләр, анда инде тамашачыларга яратып өлгергән чыгышлар, шулай ук бәйрәмгә махсус әзерләнгән номерлар күрсәтелде. Сәхнәдән тормышыбызны җылылык, матурлык һәм кайгыртучанлык белән тулыландыручы гүзәл затларга рәхмәт сүзләре, котлаулар һәм теләкләр яңгырады. Нәни артистлар чыгышы да көчле алкышларга күмелде. Бәйрәм концерты чәй табыны һәм дискотека белән тәмамланды.