Чаллыда 23 яшьлек кыз 150 мең сумлык алты телефон урлаган

Чаллыда Чулман проспектында кибеттә 23 яшьлек кыз 150 мең сумлык алты кәрәзле телефон урлаган, дип яза «Челнинские известия».

Ул сәүдә залыннан алты кәрәзле телефонны алып чыгып киткән. Алар 13-32 мең сум торган, барлыгы 150 мең сумлык булган. Полиция хезмәткәрләре кызны тоткарлаган. Ул беркайда да эшләмәве, шуңа күрә телефоннарны сатуы, ә акчасын киемнәргә һәм косметикага сарыф итүе турында сөйләгән.

Кызга карата “Урлау” маддәсе буенча җинаять эше кузгатылган.

http://tatar-inform.tatar