Чаллыда полиция хезмәткәрләре Түбән Кама кешесеннән бер килограмм синтетик наркотик алган

(Казан, 20 ноябрь, «Татар-информ»). Чаллыда полиция хезмәткәрләре 22 яшьлек Түбән Кама кешесеннән бер килограмм синтетик наркотик алган, дип хәбәр итә ТР буенча Эчке эшләр министрлыгының матбугат хезмәте.

Полицейскийлар аның наркотиклар куеп калдыру өчен Чаллыга махсус килүен ачыклады. Аны 31 октябрьдә ГЭС бистәсендәге бер фатирда тоткарлыйлар. Хокук саклау хезмәткәрләре биредә үк бер килограмм авырлыктагы PVP наркотигына да юлыга.

Әлеге факт буенча җинаять эше кузгатылган.

http://tatar-inform.tatar