Чирмешән районында торак йортта янгын чыгып, 52 яшьлек ир-ат тәненең 80 проценты пешкән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Бүген иртән ашыгыч хезмәтләрне чакырту 112 бердәм телефон номерына Лагерка авылында Гагарин урамындагы 9 нчы йортта янгын чыгуы турында хәбәр кергән.
Урынга килгән янгын сүндерү хезмәткәрләре аш бүлмәсендә 10 квадрат метр мәйданда янгын чыгуын ачыклаган. Янгын тиз арада сүндерелгән.
Коткаручылар килгәнче янгынны үзлегеннән сүндерергә тырышкан 52 яшьлек ир-ат тәненең 80 проценты пешкән һәм ул Чирмешән хастаханәсенә озатылган.
Нет комментариев