Эшләүче пенсионерларга пенсияләрен августтан арттырачаклар, дип хәбәр итте Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб. Бу хакта ул «Лента.ру»га сөйләгән, дип яза РИА Новости
Фото: © «Татар-информ»
«1 августтан эшләүче пенсионерларның пенсияләре алдагы 2024 елда алган балларга бәйле чираттагы мәртәбә арттырылачак», – дип хәбәр итте депутат.
Ул шулай ук билгеләп үткәнчә, 2025 елның октябреннән хәрби пенсионерлар өчен пенсияләр 4,5 процентка артачак.
Агымдагы елның 1 апреленнән россиялеләр 14,75 процентка индексацияләнгән социаль пенсия ала башлаган. Хезмәт министрлыгы башлыгы Антон Котяков билгеләп үткәнчә, бу 4,2 миллион кешенең керемнәрен арттырырга мөмкинлек бирәчәк.
Тулырак: https://tatar-inform.tatar/news/daulat-dumasynda-yakyn-arada-kemnarnen-pensiyalare-artacagy-turynda-soiladelar-5904852
Нет комментариев