Дәүләт Думасына Россиядә Әтиләр көнен бәйрәм итү турында канун керттеләр

КПРФ партиясе депутаты Тамара Плетнева Дәүләт Думасына яңа гомумхалык бәйрәме - Әтиләр көнен билгеләү турындагы закон проектын кертте. Бу хакта ТАСС хәбәр итә.

Закон проекты кабул ителгән очракта, ул 2019 елда үз көченә керә. Ә Әтиләр көне октябрь аеның соңгы шимбәсендә билгеләнеп үтәчәк.

Закон проекты авторлары сүзләренә караганда, канун җәмәгатьчелекнең игътибарын балаларны тәрбияләүдә әтиләр роленең әһәмиятен күрсәтүгә һәм әтиләр абруен күтәреп, гаиләдә ата дәрәҗәсен ныгытуга юнәлтелгән.
Фото: https://pixabay.com | sarahbernier3140

https://tatar-inform.tatar