Эльвира Хамматова: "Башыма уй килде!"
Җырчы Эльвира Хамматова үзенең иҗатын яратучылар өчен кызыклы бәйге оештырган.
"Гадәттә, миңа директка "Сезнең җырларны яратып башкарабыз", дип хатлар юллыйлар. Берничә көн элек башыма уй килде - минем репертуардан булган җырны башкаручылар конкурсын игълан итәм. Бу конкурсның асылы - матур җырлаучы талантларны табуда түгел, ә минем репертуарымда булган җырларны тагын бер кат барлауда. Башкару төрле булырга мөмкин. Кемдер җырлый, ә кемдер яраткан уен коралында уйный", - дип язган Эльвира Хамматова.
Бәйгедә катнашырга теләүчеләр үз видеоязмаларын җырчының инстаграмдагы аккаунтына җибәрергә тиеш. Эльвира җиңүчегә нинди бүләк бирүен әлегә сер итеп саклый.
Следите за самым важным и интересным в Telegram-каналеТатмедиа
Нет комментариев