Галимнәр Баренц диңгезендә климатның кискен үзгәрүен фаразлый

Норвегия галимнәре Баренц диңгезенең төньяк өлешендә климатның кискен үзгәрүенә игътибар иткән. Бу хакта РИА «Новости» агентлыгы хәбәр итә.

Белгечләр фикеренчә, төбәктә арктик климатны җылы һава торышы алыштырырга мөмкин. Бу Арктика бозлары эрү нәтиҗәсендә барлыкка килә торган төче суның күләме кимү белән бәйле.

Төче суның күләме кимү Арктикада «кайнар тап» хасил булуга китергән, ди галимнәр. Ул Баренц диңгезенең экосистемасына, шул исәптән диңгездә яшәүче имезүче хайваннарга тискәре йогынты ясарга мөмкин. 

Фото: https://pixabay.com

https://tatar-inform.tatar