Гинекологлар йөкле хатын гаиләсенә ковидка каршы прививка ясатырга киңәш итте

Йөкле хатын-кызны Covid-19 коронавирусы йоктырудан саклау өчен, аның гаиләсенә һәм якын тирәдәгеләргә вакцинация ясарга кирәк. Бу хакта «Татар-информ» мәгълүмат агентлыгында узган матбугат конференциясендә ТР Сәламәтлек саклау министрлыгының баш акушер-гинекологы, 7нче Казан хастаханәсенең акушерлык һәм гинекология буенча баш табиб урынбасары Татьяна Шиһабетдинова хәбәр итте.

"Хатын-кыз гел өйдә генә утырып, беркая чыкмаса да, гаилә әгъзалары авырту йоктырырга мөмкин. Мин ата-ана булырга әзерләнүче республика халкын прививка ясарга чакырам", - дип ассызыклады спикер.

Йөкле һәм имезүче хатын-кызларга "V спутнигы" прививкасын ясарга ярамый.

Республика медиклары йөклеләрдә коронавирусның бик авыр формаларына юлыкты. Аларның сүзләренә караганда, бала көтүче хатын-кызлар өчен вирус аеруча куркыныч. Шуңа күрә, аның белән көрәшүгә караганда инфекцияне йоктырмый калу яхшырак.

«Балага узуны планлаштырган хатын-кызлар, һичшиксез, прививка ясатырга тиеш. Бүген без шуны әйтә алабыз: йөклелек җиткәнчегә өч ай кала прививка әзерлек программасына керә», — дип киңәш итте КДМУның акушерлык һәм гинекология профессоры, медицина фәннәре докторы Рушания Габидуллина.

ТР баш акушер-гинекологы мәгълүматларына караганда, Татарстанда ОРВИ белән — 275, ә коронавирус белән - 22 авырлы кеше күзәтелә. Тугыз хатын-кыз хастаханәгә урнаштырылган.

Тулырак: https://tatar-inform.tatar