Гөлназ Сәфәрова улының туган көненә шәп бүләк ясаган!

21 август көнне "Татар радиосы" ди-джее Гөлназ Сәфәрованың улы Айданның туган көне. Аңа 6 яшь тулды. Әти-әнисе нәрсә бүләк итте икән үзенә?

- Нәрсә алыйк икән дип озак уйлап йөрдем, - ди Гөлназ. - Мин үзем кирәкле бүләк алу ягында. Шуңа да Айданга сәгать-телефон бүләк иттек. Аның элек тә шундый сәгате бар иде. Монысы тагын да камилләшкәнрәк, заманчарак. Сәгать аша бер-беребезгә шалтырата, смслар җибәрә алабыз. Баланың хәзерге вакытта кайдалыгын белеп торам. "SOS" кнопкасы да бар. Телефонны бит югалтырга да мөмкин, ә сәгать һәрвакыт кулда. Иң мөһиме: әлеге сәгатьтә уеннар юк. Нәрсә генә уйлап чыгармыйлар инде, - дип гаҗәпләнә алып баручы.

http://sabantuytatar.ru