“Гыйбадәт кылулар турындагы Нигезләмә”нең гакыйдә бүлегенә өстәлмәләр кертелгән

“Гыйбадәт кылулар турындагы Нигезләмә”нең гакыйдә бүлегенә мөһим өстәлмәләр кертелгән. Бу турыда ТР Диния нәзарәте хәбәр итә.

Гакыйдә бүлеге Матуриди гакыйдәсенә (инану, дингә караш) нигезләнгән 60 пунктны үз эченә алган.

Гакыйдә - ул кешенең тормышы дәвамында башкарылган бөтен эш-гамәлләренең нигезе, яшәү рәвешенең асылы, дини гыйбадәтләрнең фундаменты. Үзен мөселман дип санаган һәркемнең дөньяга карашы Ислам гакыйдәсенә туры килмәсә, аның гыйбадәте кабул булмый һәм кылган яхшы гамәлләре өчен савап бирелми.

Гакыйдә бүлегенә өстәлмәләр кертелүгә нигез булып классик дини хезмәтләр торган.

Фото: архив/Рамиль Гали

https://tatar-inform.tatar