“Хәрәм” кибетләренә багышланган сораштыруда катнашыгыз
Билгеле булганча, 1 февральдән районыбызда алкогольле продукция көндәлек сорау белән кулланыла торган товар сату сәүдә нокталарыннан алынып, "Хәрәм" акционерлык җәмгыятенең махсус кибетләреннән генә сатыла башлады.
Әлеге яңалык уңаеннан Саба муниципаль районы сайтында шушы темага багышланган сораштыру үткәрелә. Моның өчен "Сезгә законсыз төстә алкогольле продукция сату фактлары билгелеме, билгеле булса кайсы авылда?" "Сезгә райондагы кафелардан һәм рестораннардан шешәсе белән аракы биреп чыгару фактлары билгелеме?" "Сезне "Хәрәм" кибетләрендәге ассортимент канәгатьләндерәме?" дигән һәм башка сорауларга җавап бирергә кирәк. Сораштыруда актив катнашыгыз, законсыз аракы сатуга чик куюда үз өлешегезне кертегез.
Следите за самым важным и интересным в Telegram-каналеТатмедиа
Нет комментариев