Җиде балага гомер биргән

Рәшидә Биктимерова Тимершык авылында дүрт балалы гаиләдә туа.  Туган авылында 7 сыйныф белем ала. Сугыш чорында көче җиткән барлык эшләрдә катнаша.  Урман кисә, вагон төйи, симәнә ташый, кул белән бәрәңге утырта,  урак ура.  1949 елда авылдашы Миннемулла исемле егет белән гаилә коралар. Җиде бала тәрбияләп үстерәләр. Ире 1975 елда, 51 яшендә вафат була. Балаларының һәммәсе дә  тормышта үз урыннарын табып, лаеклы  тормыш кичерәләр.  Рәшидә Биктимерова  колхозда эшләп лаеклы ялга чыга. Хәзерге вакытта Рәшидә апа кызы Сәрия тәрбиясендә балалары,  онык-оныкчыклары  хөрмәтендә  гомер кичерә.