Һава температурасы 51 градуска җиткән

Бу - ил тарихында иң югары температура. Эсседән күп кенә елга-күлләр кипкән, торак пунктларда суга озын чиратлар барлыкка килгән. Чиратта озак басып торып булмаганга, суга килгән кешеләр савытларын калдырып, күләгә эзләп китә. Әлеге эсселек муссон яңгырлары булмау белән аңлатыла.

Эссегә дөяләр дә түзми башлаган. Бәйләп куелган килеш көне буе 43 градус кызуда кояш астында торган дөя хуҗасына ташланган. Аны муеныннан тешләп, җиргә егып та сала. Ярсыган хайван хуҗасын бер яктан икенчесенә селтәп кенә йөрткән. Ахыр чиктә башын да өзгән. Фаҗига узган шимбәдә Раджастхан штатының көньяк-көнбатышында урнашкан Бармер шәһәрендә булган.

http://shahrikazan.com