Саба таңнары

Ирен чемоданга салып күмгән [+фото]

7 март көнне 36 яшьлек Питер кешесе полициягә килә һәм 4 ел элек бер ир мәетен чемодан белән күмеп куюын сөйли, урынын да күрсәтә. Баксаң... Аны хатыны үтергән һәм чемоданга салып куйган була. Полиция кара чемоданны казып ала, аның эченнән одеялга төрелгән ир-ат скелеты чыга, башында пакет, муенында шнур була....

7 март көнне 36 яшьлек Питер кешесе полициягә килә һәм 4 ел элек бер ир мәетен чемодан белән күмеп куюын сөйли, урынын да күрсәтә. Баксаң... Аны хатыны үтергән һәм чемоданга салып куйган була. Полиция кара чемоданны казып ала, аның эченнән одеялга төрелгән ир-ат скелеты чыга, башында пакет, муенында шнур була.

Аны үтерүдә гаепләнүче хатыны Еленаны тоткарлыйлар. Ул 2011 елның августында җинаять кылган була, дип яза "Әлмәт таңнары".

Бу хакта полициягә җиткергән Алексей исә Еленаның ире икенче булып чыга. Алар биш ел элек Интернет аша таныша, мәхәббәт башлана. Бу вакытта Елена кияүдә була, әмма ул аның белән аерылышырга җыенуларын, милек бүлүләрен һәм 10 яшьлек балаларының кем белән яшәргә тиешлеген хәл итүләрен әйтә. 2011 елның августында хатын Алексейга чемодан тоттыра, ир анда мәет барлыгын белсә дә, берни сорамый. 2015 елда аларның гаиләсе дә таркала башлый һәм милек бүлүгә барып җитә, 3 яшьлек баланы әти кешегә күрсәтми башлыйлар. Шулвакыт ир элеккеге хәлне искә алып, үз гомере өчен куркуга кала һәм полициягә барырга карар кыла.

Хәзер тикшерү бара. Алексейга җинаятьне яшергән өчен генә җәза яный. Ә менә Елена үз гаебен танымый икән, әмма бу вакыт эше, экспертлар чемоданны һәм җинаять эзләрен җентекләп тикшерә.

Матбугат.ру
№ --- | 13.03.2016

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: