Саба таңнары

КАН БАСЫМЫ ТӨШСЕН ӨЧЕН НӘРСӘ АШАРГА КИРӘК?

Бөтендөнья сәламәтлек саклау оешмасы мәгълүматлары буенча, планетада һәр бишенче өлкән кешенең кан басымы югары. Нәкъ менә шул сәбәпле ел саен 9 миллионнан артык кеше якты дөнья белән хушлаша. Биредә туклану да җитди роль уйный.

«Казанские ведомости» газетасы гипертониягә каршы көрәштә кайсы продуктларның нәтиҗәсе зур, ә кайсыларын, киресенчә, кулланмавың хәерле икәнлеген ачыкларга булды. Казанның «2нче клиник хастаханәсе» дәүләт автоном сәламәтлек саклау учреждениесе табиб-неврологы Елена Шәрәфиевага киңәш сорап мөрәҗәгать итте. 

- Елена Валерьевна, гипертония вакытында ничек тукланырга?

- Гипертония үсеш алуда симерү мөһим фактор булып тора. Газлы эчемлек һәм зыянлы ризыкларны чамадан тыш куллану әлеге авыруның хәтта балалар арасында да таралуына китерде. Барыннан да элек тоз куллануны чикләргә кирәк – аның күләме көненә 5 граммнан да артмаска тиеш. Бу – бер чәй кашыгыннан азрак дигән сүз. Кызганыч ки, күпләр кирәксә-кирәкмәсә дә ризыкка тоз тутырырга гадәтләнеп китте. Ни өчен? Мисал өчен, шул ук иткә яшел тәмләткечләр, суган яки лимон согы ярдәмендә дә тәм кертергә мөмкин бит. Натрий организмда суны «тотып кала», шуның аркасында тамырлар буйлап әйләнеп йөри торган канның күләме арта, кан басымы күтәрелә. 

- Тагын кайсы продуктларны рационнан алып ташларга кирәк?

- Икенчесе – һәртөрле майлар. Терлек, тропик үсемлек майлары, сыр, сөт, атланмай куллануны киметергә кирәк. Сак мөнәсәбәттә булуны таләп итә торган өченче категория - печенье, торт, кәнфит, пирог һ.б. җиңел үзләштерелә торган углеводлар. Һәм ниһаять, каһвә. Ул әле һаман да бәхәс уята торган продуктлардан санала. Каһвә эчкәч, кайбер кешеләрнең кыска гына вакытка кан басымы күтәрелә. Яшел чәй тирәсендә дә бәхәсләр тынып тормый. Хәтта галимнәр дә бу җәһәттән әле дә булса бәхәс куерта. Мин гипертония вакытында яшел чәйдән баш тартмаска, әмма аны куллануны чикләргә киңәш итәм.

- Ә исерткеч эчемлекләргә килгәндә?

- Алкогольне даими рәвештә яки чамадан тыш куллану гипертония, инсульт һ.б. авыруларның баш калкыту куркынычын арттыра. Моннан тыш, әгәр сез югары кан басымын төшерү өчен дару эчәсез икән, исерткеч эчемлекләрне авызга да алмаска кирәк. Тулаем алганда, биредә барысы да алкогольнең күләменә һәм организмның шәхси реакциясенә бәйле. Шул ук коньякны зур булмаган дозаларда бер тапкыр куллану нәтиҗәсендә кан басымының төшүенә бәйле очракларның да күзәтелгәне бар. Әмма биредә микродозалар хакында сүз бара. Кызганыч ки, күпләр моның белән генә тукталып калмый, шунлыктан исерткеч эчемлекләрдән баш тартуың яхшырак.

- Нинди продуктлар кан басымын төшерергә мөмкин?

- Кан басымын төшерүдә калийга бай продуктлар мөһим роль уйный. Алар — кабак, петрушка, күрәгә, караҗимеш, йөзем, бадәм, кузаклылар, фасоль, бәрәңге. Шпинат, банан, диңгез кәбестәсе, карамиләш, балан, мүк җиләге, лимон, имбир да артериаль кан басымын төшерә. Сарымсак, шулай ук магний, йод һәм кальцийга бай продуктлар да кан басымын нормальләштерергә ярдәм итә. Яшелчәләрне мөмкин кадәр күбрәк кулланырга кирәк дигән гап-гади хакыйкать күп кенә проблемалардан коткарырга, шул исәптән гипертония вакытында булышырга сәләтле. Һәм әлбәттә инде, табиб билгеләгән даруларны эчәргә кирәк.

http://intertat.ru

Нравится
Поделиться:
Реклама
Комментарии (0)
  • 24 февраля 2018 в 12:47
    Празднование Курбан-Байрама в Казани в 1945г
  • 24 февраля 2018 в 11:08
    Выборы Динар Байтимиров
  • 21 февраля 2018 в 07:56
    Яңалыклар тапшыруын алып баручы Екатерина Андреева үз вазифасыннан азат ителде «Беренче канал»дагы «Время» тапшыруын алып баручы Екатерина Андреева Мәскәүнең кичке эфирларына чыкмый башлады. Аның урынына «Беренче канал» генераль директорының урынбасарын Кирилл Клейменовны куйдылар.
    839
    0
    1
  • 21 февраля 2018 в 08:40
    СОҢГЫ СЕЛФИ ҺӘМ ХУШЛАШУ СҮЗЛӘРЕ… /ФОТО, ВИДЕО/ Кичә Ижевскта апалы-сеңелле ике кыз кичкырын биек йортның соңгы катындагы балконнан сикергәннәр. 15 яшьлек Настя һәм 12 яшьлек Маша үз-үзләренә кул салыр алдыннан инстаграмга видео һәм хушлашу сүзләре язып салганнар.
    762
    0
    0
  • 21 февраля 2018 в 17:06
    Җырчы Иркәгә нәрсә булган?! «Нооо,авыр да булды бу кон…» дип, башлаган сүзен Иркә үзенең аккаунтында.
    563
    0
    0
  • 21 февраля 2018 в 19:09
    Мәскәү салкыннары Татарстанга килә 23-28 февральдә Россия башкаласында уртача температура нормадан 7-12 градуска кимрәк булачак.
    439
    0
    1
  • 23 февраля 2018 в 16:53
    Ләйсән Гыймаева яңалыгы белән уртаклаша Ләйсән Гыймаеваның өченчегә бәбәй көткәнен күбесе инде күптән сизеп алса да, җырчы бу көннәргә кадәр һаман сер бирмәде: «әйе» димәде, «юк» димәде.
    419
    0
    1
  • 21 февраля 2018 в 18:10
    Казанбаш мәктәбе укучылары агулану буенча тикшерү төгәлләнгән Арча районында гаеплеләр җәзага тартылган.
    412
    0
    0
  • 22 февраля 2018 в 11:12
    Контрактчы Илнар ялга кайткан Бүген районыбыздан 95 егет Россиянең төрле төбәкләрендә хәрби бурычын үти. Егетләрнең күбесе Домодедово, Мытищи, Йошкар-Ола шәһәрләрендә хезмәт итә. Быел барлыгы 254 егет хәрби хезмәткә чакыру комиссиясенә киләчәк.
    391
    0
    2
  • 23 февраля 2018 в 15:04
    Ике яклы кеше үзенә урын таба алмый Саба мәчетенә атна саен җомга намазына ике йөзләп кеше җыела икән. Җыйнак кына мәчеттә бер залга гына сыеша алмыйча, икенчесенә чыгалар. Шуңа күрә халык акчасына һәм оешмалар ярдәме белән яңасын сала башлаганнар. Мәчеткә йөрүчеләр арасында яшьләр дә күп. Дөрес, бу гамәлне аңлап кабул итүчеләр дә, хупламаучылар да бар.
    352
    0
    2