Казан кунакханәләре Дөнья чемпионаты кунакларына татар милли ризыклары тәкъдим итәчәк

2018 елгы футбол буенча Дөнья чемпионаты вакытында Казан кунакханәләре матчларны тамаша кылырга килгән чит ил туристларын татар халкының милли ризыклары белән таныштырырга ниятли. Казан һәм Татарстанның Кунакханәләр ассоциациясе президенты Гөлнара Сафина «Татар-информ» агентлыгында узган матбугат конференциясендә шул хакта хәбәр итте.

Кунакханәләр каршындагы рестораннарда Татарстанның милли колоритын, традиция һәм мәдәниятен тәкъдим итүгә төп басым ясалачак, дип хәбәр итте ул.

«Шунлыктан Татарстанның Кунакханәләр ассоциациясе тарафыннан барлык кунакханәләргә аерым сәхифә һәм тематик өстәл булдырырга киңәш ителде. Анда кунаклар безнең аш-сулар белән танышсын өчен, милли ризыклар тәкъдим ителәчәк», - дип искәртте Гөлнара Сафина. 

Фото: http://strana.ru

http://tatar-inform.tatar