Казан - Нократ Аланы - Казан поезды Шәмәрдәнгә кадәр барачак

26 августта Казан - Нократ Аланы - Казан поезды Шәмәрдәнгә кадәр барачак. Кукмара - Нократ Аланы тимер юлында ремонт эшләре планлаштырылган, дип хәбәр итә "Содружество" ААҖ пассажирлар компаниясе. Моның белән бәйле рәвештә, Кукмара - Нократ Аланы тимер юлында 6420/6425 поездларының маршруты кыскара.

Казан - Нократ Аланы юнәлешндә хәрәкәт итүче 6420 нче поезд Казаннан 6.10 сәгатьтә кузгала, 8.30 сәгатьтә Шәмәрдәндә туктый. Нократ Аланы - Казан юнәлешендә хезмәт күрсәтүче 6425 нче поезд 12.40 сәгатьтә Шәмәрдәннән кузгала һәм 15.10 сәгаттьтә Казанга килеп җитә.

Шәһәр янына йөрүче поездларның расписаниесе турында тулырак мәгълүматны билет кассаларында һәм "Содружество" ААҖ сайтында белергә мөмкин, дип хәбәр итә Татар-Информ.