Казанга Япония принцессасы килә

Япония Футбол федерациясенең мактаулы рәисе -принцесса Хисако Такамадо Казанның “Рубин” клбуы базасында үз иленең җыелма командасы тренировкасын карарга планлаштыра.

Император гаиләсе кунагын бүген Татарстан Дәүләт Советы Рәисе урынбасары, “Татарстан тарих һәм мәдәният һәйкәлләрен торгызу фонды” коммерцияле булмаган оешманың башкаручы директоры Татьяна Ларионова каршы алачак һәм озатып йөриячәк.

Принцесса Япония җыелма командасының барлык уеннарына 1998 елдан бирле йөри. Бу Япония императоры гаиләсе әгъзасының Россиягә 100 елга беренче визиты. 19 июньдә ул Саранскида булган, анда аның командасы колумбиялеләрне 2:1 исәбе белән җиңде.

23 июньдә Хисако Такамадо Екатеринбургка барырга ниятли. Анда Япония җыелма командасы Сенегал командасы белән уйнаячак.

Фото: соц сети